Sada Enna Hrudayadalli /
ಸದಾ ಎನ್ನ ಹೃದಯದಲ್ಲಿ....
ಸದಾ ಎನ್ನ ಹೃದಯದಲ್ಲಿ,
ವಾಸ ಮಾಡೋ ಶ್ರೀ ಹರೀ.
ನಾದ ಮೂರ್ತಿ ನಿನ್ನ ಚರಣ ,
ಮೋದದಿಂದ ಭಜಿಸುವೆನೋ..
ಜ್ಞಾನವೆಂಬ ನವರತ್ನದ
ಮಂಟಪದ ಮಧ್ಯದಲ್ಲಿ
ಗಾನ ಲೋಲನ ಕುಳ್ಳಿರಿಸಿ
ಧ್ಯಾನದಿಂದ ಭಜಿಸುವೇನೋ..
ಭಕ್ತಿರಸವೆಂಬ ಮುತ್ತು
ಮಾಣಿಕ್ಯದಾ ಹರಿವಾಣದೀ
ಮುಕ್ತನಾಗಬೇಕು ಎಂದು
ಮುತ್ತಿನ ಆರತಿ ಎತ್ತುವೇನೋ..
ನಿನ್ನ ನಾನು ಬಿಡುವನಲ್ಲ
ಎನ್ನ ನೀನು ಬಿಡಲು ಸಲ್ಲ
ಘನ ಮಹಿಮ ವಿಜಯ ವಿಠಲ
ನಿನ್ನ ಭಕ್ತರ ಕೇಳೋ ಸೊಲ್ಲ..
No comments:
Post a Comment